Лениногорский МР.

24 апреля 2026 г., пятница

Уятмакчы булсаң халык күңелләрен

Тукай атналыгында Лениногорск муниципаль  районы ветераннар Советында “ Җырлыйк әле “  тапшыруы үткәрелде. Анда пенсионерлар өчен Тукай җырлары буенча викторина, аның шигырьләрен сәхнәләштерү күрсәтелде. Халкыбызның “Тәфтиләү”,”Әллүки”,”Бишек җыры”  көйләре яңгырады. Балалар өчен  Г.Тукай сүзләренә язылган “Карлыгач”, “Күбәләк”, “ Туган авыл”, “Пар ат”, “ Бәйрәм бүген” Җырларын табып кына калмадылар, рәхәтләнеп башкардылар да безнең пенсионерларыбыз. 93 яшьлек Сайдашев Наил абыйның “Кышкы кич” шигырен башкаруы күпләребезне шаккатырды.  Уен вакытында җиңүчеләр китаплар белән бүләкләнде.