Авылыбызның иң өлкән әбиләре, тыл ветераннары Исхакова Мәймүнә әби, Шәрифуллина Зөлфия әби һәм сугыш чоры ятиме Максимова Альмира апа, Замалетдинова Наҗия апаларны бәйрәм белән котлап, музыкаль сәламнәребезне җиткердек. Аларга сәламәтлек, күңел тынычлыгы, бәхетле, бәрәкәтле озын гомер телибез. Балаларының, оныкларының кадер-хөрмәтендә, өйнең түрендә балкып, шатланып, рәхәттә яшәгез. Киләсе елда да шулай бергәләп җырлашып утырырга насыйп булсын. Амин.